Нью-Йоркда автомобиль ҳаракатланишига тақиқлов бекор қилинди

Нью-Йоркда 24 январь соат 07.00 дан автомобиль ҳаракатланишига тақиқлов бекор қилинди. Бу ҳақда матбуот-анжуманида Нью-Йорк штати губернатори Эндрю Куомо маълум қилди. 

Ер усти транспортининг ҳаракатланишига тақиқлов 23 январда кучга кирганди. Бу қарор қор бўрони туфайли штат аҳолиси хавфсизлигини таъминлаш мақсадида қабул қилинганди. Тақиқлов штатнинг жануби-шарқий қисмида амал қилган ва “одамлар уйларига етиб олишлари учун тартибли” амалга оширилган. Тақиқлов вақтида фақатгина фавқулодда хизматлар автомобилларига ҳаракатланишга рухсат берилганди.

Шунингдек, Нью-Йоркда ёмон об-ҳаво шароити туфайли фавқулодда вазият ҳам эълон қилинганди.