Цукерберг яқинда туғилган қизининг илк бор “сувда чўмилаётгани” фотосуратини чоп этди

Марк Цукерберг Facebook’даги саҳифасида обуначилари билан бирга қизи Макснинг фотосуратлари билан бўлишишда давом этмоқда.

Бу сафар 31 ёшли Цукерберг икки ойлик қизининг бассейнда чўмилаётгани суратларини чоп этди.

Суратда Марк қизини ғамхўрлик билан қўлларида ушлаганча сув юзида ушлаб турганини, миттигина Макс эса ҳеч ҳам сувдай қўрқмай, ўзини хотиржам тутаётгани кўриш мумкин.

“Макс биринчи марта сузмоқда. Унга бу ёқмоқда”, деб суратга изоҳ қолдирди Цукерберг.

Суратлардан кўринишича, Марк оталик бахтидан ҳузурланмоқда. У аввалроқ ҳам қизчасининг таглиги алмаштирилаётган, шифокор кўригига ташрифи пайтидаги ва бошқа суратларини чоп этганди.

Марк Цукерберг ва унинг рафиқаси Присцилла Чан 2015 йил 2 декабрда Макс исмли қиз фарзанд кўришди. Макс уларнинг биринчи фарзанди бўлди.