Энг тезкор Jaguar F-Type 3,7 сонияда 100 километр/соат тезликка чиқди

Jaguar F-Type – SVR автомобили 100 километр/соат тезликка чиқиш учун 3,7 сония сарфлади. Бу ҳақда Autovisie хабар қилди.

Олд ва орқа ғилдираклари илдам бўлган купе ва родстер (икки ўриндиқли усти очиқ ёки ёпиқ автомобиль) қуввати 550 ва 575 от кучига тенг беш литр ҳажмга эга компрессорли V8 моторлари билан таъминланган. Двигателлар саккиз босқичли автомат тезлик узатмалар қутиси билан биргаликда ҳаракатланади.

Автомобилнинг энг юқори тезлиги соатига 300-322 километрга тенг. F-Type SVR родстери эса тезлигини соатига 322 километргача чиқара олади.

Янги машинага стандарт намуналардан 21 килограмм енгилроқ бўлган карбон-керамикали тўхташ тизими ўрнатилган.

Jaguar F-Type SVR каттароқ ҳажмдаги ҳаво жамлагич (двигателнинг озиқланиши ва совутилиши учун хизмат қиладиган қисм), пастлаштирилган клиренс (автомобилнинг энг пастки қисми ва йўл ўртасидаги масофа) ва ўзгача олд бампер билан таъминланган. Шунингдек, спорткар янгиланган тўхтатиш тизими, орқа диффузор (гидроаэродинамикада тўхтатиш тизимида суюқлик ёки газ ўтадиган қувурлар участкаси), антиқанот (автомобиль ва йўл қопламаси сирти билан тортишиш кучини оширишга мўлжалланган тузилма) ва ён томонлардаги углерод толали орқани кўрсатиб турувчи ойналарга эга.

Jaguar F-Type SVR Европада 2016 йил ўрталаридан савдога чиқарилади. Янги автомобилнинг нархи 130 минг евродан бошланиши кутилмоқда.