Ўзбек олимлари 2015 йилда Интеллектуал мулк агентлигига 507та ихтиро учун талабнома топширишди

Интеллектуал мулк агентлиги 2015 йилдаги фаолияти якунларини сарҳисоб қилди.

Қайд этилишича, 2015 йил мобайнида агентликда жами ишлаб чиқариш ҳажми 113,2 фоизга, кўрсатилган хизматлар ҳажми 108,5 фоизга ўсган.

Агентлик томонидан интеллектуал мулк объектларини рўйхатга олиш бўйича талабномалар қабул қилиш 11,5 фоизга ўсди, шу жумладан, ихтироларга - 507та, фойдали моделларга - 190та, саноат намуналарига - 238та, товар белгиларига - 5 615та, селекция ютуқларига - 25та, ЭҲМ учун дастурлар - 521та, маълумотлар базасига - 15та талабномалар қабул қилинди.

Интеллектуал мулк объектларига 6 867та талабномалар бўйича давлат экспертизаси ўтказилди. Давлат реестрларида 2 651та интеллектуал мулк объектлари рўйхатга олинди.