Петербургда икки эркак аёл деб травматик тўппончаларда “дуэль” уюштиришди

2016 йил 24 январда Санкт-Петербургнинг Киров туманида фавқулодда вазият содир бўлди: тумандаги кўчалардан бирида жойлашган уйда икки эркак аёл деб травматик тўппончаларда “дуэль” уюштиришди.

“Фонтанка” нашрининг ёзишича, низога икки дуэлчининг бир аёлга бефарқмаслиги сабаб бўлган. Дастлабки маълумотларга кўра, эркаклардан бири, 36 ёшли петербурглик бошқа эркакникига муносабатларни аниқлаштириб олиш учун келган. У ўзи билан бирга
травматик тўппонча олиб келган.

Уй эгасида ҳам травматик тўппонча бўлган. Қисқа даҳанаки жанг жанжалга, сўнгра отишмага айланиб кетган. Ўзаро отишма пайтида “меҳмон” уй эгасининг бошига теккан.

Жароҳат бахтли тасодиф туфайли ўлимга олиб келмаган: маълум қилинишича, жабрдийда ёпиқ бош-мия чаноғи ҳамда мия чайқалиши жароҳати олган.

Жабрдийда полицияга шикоят аризаси ёзмасликка қарор қилган.