Украина ХВЖдан 1,7 млрд доллар миқдорида транш олади

Украина президенти Петро Порошенко яқин вақтлар ичида Халқаро валюта жамғармасидан (ХВЖ) 1,7 миллиард доллар миқдорида навбатдаги транш олиниши ҳақида маълум қилди. Бу ҳақда УНИАН нашри хабар тарқатган.

"Яқин келажакда бизнинг олтин валюта захираларимиз 1,7 млрд долларга етади", деган Порошенко.

Унинг айтишича, у ва ХВЖ раҳбари Кристин Лагард ташкилот миссиясининг Украинага ташрифи натижаси бўйича ўзаро келишувга эришган.

Порошенконинг қўшимча қилишича, у Лагардга "Украинанинг оғир ижтимоий вазиятдан чиққанини" айтган ҳамда ундан пенсия ёшини кўтариш бўйича талабни олиб ташлашни сўраган.

Ўтган йилнинг кузида Украинанинг EFF кредитининг 1,7 миллиард долларлик навбатдаги — учинчи траншини олиш учун ўз мажбуриятларини бажараётганини таҳлил қилган ХВЖ экспертлари ўзларини қизиқтирган саволларга аниқ жавоб олмагани ва вазиятни қониқарсиз баҳолагани хабар қилинганди.