Японияда контактсиз кардиограф яратилди

Panasonic компания Киото университети билан биргаликда исталган одамнинг юраги ҳолатини контактсиз усул билан баҳолашга имкон берувчи қурилма яратди. Қурилма яратувчиларининг айтишича, янги технология стандарт электрокардиограмманинг ўрнини босиши мумкин, чунки ўлчовларнинг аниқлиги бўйича улардан қолишмайди.

Янги усулнинг ассий афзаллиги шундаки, ўлчовларни масофадан туриб ўтказиш мумкин ва одамга датчикларни улашнинг ҳожати йўқ. Одам қурилма янги технология асосида “кундалик кузатувни” олиб бораётган, организмнинг реакцияларини қайд қилаётган бир пайтда ўзининг кундалик юмушлари билан шуғулланиши мумкин. Бу ўз навбатида даволашнинг индивидуал схемасини танлашда ёрдам беради.

Янги усул негизига кенгайтирилган спектрнинг миллиметрли радари технологияси ётди. Бу радар одамдан тарқаётган сигналларни кузатиб боради. Махсус дастур умумий шовқиндан юрак уришини ажратиб олади ва олинган маълумотни таҳлил қилади.

Қурилманинг прототипи узунлиги 50 см га яқинни ташкил қилади, келгусида қурилма муаллифлари унинг ўлчамларини кичрайтиришни режалаштиришмоқда. Шуниси қизиқки, қурилманинг барча бутловчи қисмларини эркин савдода топиш мумкин. Қурилма муаллифларининг фикрича, янги сенсор охирги вақтларда талаб ўсиб бораётган турли контактсиз тиббиёт ускуналарида ўз татбиғини топади.