АҚШ молия вазирлиги Путинни коррупцияда айблади

АҚШ ҳукуматининг фикрича, Россия президенти Владимир Путин кўп йиллардан буён коррупция ботқоғига ботиб бўлган ва асл даромадларини яширади. Бу ҳақда молия вазирининг ўринбосари Адам Шубин BBC’нинг “Панорама” дастурига берган интервьюсида айтиб ўтди.

“Мен рақамларни айтишга тайёр эмасман, лекин аниқ айта оламан – Путин давлатдан йилига 110 минг доллар миқдорида маош олган. Аммо бу ушбу инсон даромадининг тўғри тавсифи эмас. У ўз бойлигининг асл ҳажмини яширишда катта тажрибага эга”, - деди Шубин.

Шубин Путиннинг коррупцион схемаларга алоқадорлигини тасдиқлади. Унинг таъкидлашича, АҚШ ҳукумати бу ҳақда кўп йилдан бери билади. Ўз навбатида, Россия вакиллари бу айбловларни инкор қилиб келмоқда.