Британияда 4 боланинг онаси ўз машинаси ғилдираклари тагида қолиб кетиб, ҳалок бўлди

Англиянинг ғарбида 4 боланинг онаси ўз машинаси ғилдираклари тагида қолиб кетиб, ҳалок бўлди, деб хабар бермоқда Daily Mail нашри.

Нашр маълумотларига кўра, Вустершир графлигида яшаган 36 ёшли Керри Хьюит гараж эшигини очиш учун ўзининг Renault автомобилидан тушган. Гувоҳларнинг таъкидлашича, аёл машинани қўл тормозига қўймаган. Автомобиль жойидан жилиб, аёлни босиб кетган. Автомобиль ичида бу пайт унинг фарзандлари ўтирган бўлган.

Шифокорлар аёлнинг ҳаётини сақлаб қолишолмади. Полиция ушбу ҳолатни тергов қилмоқда.

Аёлнинг қўшнилари у ҳақда илиқ сўзлар билдиришган, уни ўз ҳаётини фарзандлари тарбиясига бағишлаган масъулиятли она сифатида билишларини айтишган.