Саудия Арабистони иқтисодиётни нефть нархларидан боғлиқ бўлмаган ривожлантириш режасини тақдим қилди

Саудия Арабистони ҳукумати қиролликнинг нефтга талаб ва нархдан боғлиқликни максимал камайтиришга қаратилган иқтисодиётни ривожлантириш бўйича кенг кўламли режасини тақдим қилди, деб хабар бермоқда Reuters ахборот агентлиги.

Мамлакат ҳукумати иқтисодиётни ахборот технологияларини ривожлантириш, соғлиқни сақлаш ва сайёҳлик каби соҳаларга йўналтирмоқчи. Бундан ташқари, қироллик хорижий инвесторларни жалб қилиш учун бозорни эркинлаштирмоқчи.

Агентликнинг таъкидлашича, нефть нархининг пасайиши оқибатида Саудия Арабистони катта миқёсдаги бюджет дефицити, яъни 100 млрд долларлик камомадга дуч келди. Бу қиролликка ўн йиллар давомида раҳна солган энг катта иқтисодий чақириқ бўлди.

Саудия Арабистони саноат ва савдо вазири Товфиқ ал-Рабоҳ режа тақдимоти давомида қироллик “голланд касаллиги” (иқтисоднинг бир соҳасидаги ривожланиш натижасида миллий валюта курсининг иқтисодиёт ривожланишга салбий таъсири) қурбони бўлганини, бироқ ҳозирда “даволанишга” ҳаракат қилаётганини айтди.

Тақдимотда йириқ хорижий компаниялар, жумладан Lockheed Martin, Pepsico компанияси вакиллари иштирок этишди. Умумий ҳисобда тақдимотда турли давлатлар ҳукуматлари ва бизнеснинг 2,6 мингга яқин вакили иштирок этди.

Шу билан бирга учрашувнинг кўпчилик иштирокчилари мамлакатда тадбиркорлик маданиятининг йўқлиги, ижтимоий муносабатларда ҳаддан зиёд анъанавийлик, давлатнинг иқтисодиётдаги устунлигидан шикоят қилишди.