Bloomberg: АҚШ бойларга солиқдан қочишга ёрдам берувчи жаҳоннинг асосий офшорига айланди

АҚШ ҳукумати швейцар банкларига мижозлар ҳақида маълумот беришдан бош тортгани учун мунтазам босим ўтказишига қарамасдан, АҚШнинг ўзи бойларга солиқдан қочишга ёрдам берадиган янги асосий офшорга айланди. Бу ҳақда ҳуқуқшунослар, таҳлилчилар ва экспертларга иқтибос келтирган ҳолда Bloomberg агентлиги маълум қилмоқда.

Агентлик Rothschild & Co’нинг бошқарувчи директори Эндрю Пеннининг маърузасига иқтибос келтирмоқда. Пеннининг таъкидлашича, АҚШ “янги солиқ жаннати ёки янги Швейцарияга” айланиб бўлган. АҚШ маълумотларни ошкор қилишнинг янги стандартларга ўтишга шошмаяпти, бунинг оқибатида бозорда бойларга солиқлардан қочишга ёрдам берувчи янги соҳа пайдо бўлмоқда. Бундай бизнес Невада, Вайоминг ва Жанубий Дакота штатларида жуда ҳам ривожланиб кетган.

“Швейцария банкларига тазйиқ ўтказадиган АҚШ, мантиққа тўғри келмасада, ҳозирда банк сирларининг ҳомийсига айланди”, деб швейцариялик ҳуқуқшунос Петер Которчеанунинг айтганларини келтирмоқда агентлик.

“Солиқ тўлашдан қочиш” хизматини тақдим қилишдан Rothschild & Co. ҳам фойда кўради, у Невадада ўзининг идорасини очган ва ҳозирда европалик бадавлат одамларнинг, мисол учун молиявий ойдинликнинг янги стандартларига ўтган Бермуд оролларидаги пулларини ўтказиш билан шуғулланмоқда.