Қўшимча функционаллар

  • Тунги кўриниш

  • Тошкент ш.
  • Қорақалпоғистон
  • Андижон
  • Фарғона
  • Наманган
  • Самарқанд
  • Бухоро
  • Хоразм
  • Сурхондарё
  • Қашқадарё
  • Жиззах
  • Сирдарё
  • Тошкент вил.
  • Навоий
    • Жаҳон | 09:56 / 27.01.2016
    4145
    2 дақиқада ўқилади

    Таиланда қаттиқ совуқ тушган ҳудудларда 14 киши ҳалок бўлди, юзлаб одамлар эвакуация қилинди

    Таиландда иқлимнинг кескин тушиши натижасида 3 кундан буён давом этаётган совуқ ҳарорат туфайли 14 киши ҳалок бўлган.

    Мамлакатнинг марказий ва шимолий қисмларида қурбонлар берилмоқда. Ҳалок бўлганларнинг аксари сурункали хасталикларга учраган беморлар бўлиб, қаттиқ совуқ уларнинг ҳаётига нуқта қўйган.

    Таиланд субэкваториал минтақада жойлашганлиги учун аҳолининг аксарият уйлари паст ҳароратга мослашмаган.

    Таиланд метеорологик департаментининг маълум қилишича, об-ҳаводаги ўзгариш қироллик ҳудудига ўтган 24 январь, якшанба куни Хитой томондан кириб келган антициклоннинг таъсирида юзага келмоқда.

    Қор бўронлари юз бериши хавфи туфайли Паттани, Нарахиват ва Накхонситхаммарат вилоятларидан юзлаб кишилар хавфсиз ҳудудларга кўчирилган.

    Прогнозларга кўра, мамлакатда ноқулай об-ҳаво шароити яна 2 кун давомида сақланиб туради.

    2014 йилда Таиландда қаттиқ совуқлар 63 кишининг ўлимига сабаб бўлганди. Ўшанда мамлакатнинг шимолий ҳудудларида бир неча ҳафта давомида -4 даражагача совуқлар қайд этилган.

    Таиландда энг совуқ қиш охирги марта 1975 йилда қайд этилган, ўшанда термометр кўрсаткичлари минус 10 даражани кўрсатганди.