Apple ўзининг iPhone 7 Plus смартфонини иккита ёнма-ён жойлашган камера билан жиҳозлаши мумкин

Apple компанияси iPhone 7 Plus смартфонини суратга олишнинг сифатини ошириш учун иккита ёнма-ён жойлашган камера билан жиҳозлаши мумкин. Бу ҳақда компания ҳисоботига иқтибос келтирган ҳолда The Independent нашри хабар бермоқда. 

“Смартфонда фотосуратнинг сифатини ошириш учун “иккита ёнма-ён жойлашган камера тизими” қўлланиши мумкин. Шунингдек, объектга яқинлашганда сифатнинг йўқолиши камаяди”, деб айтмоқда таҳлилчи Минг-Чи Куо.

Компания ҳисоботига кўра, Apple смартфонни икки модификация – бир камерали ва икки камерали модификациясини ишлаб чиқариши мумкин.

Иккита ёнма-ён жойлашган камера функциясини яратиш учун компания 2015 йилда бундай камераларни яратиш ва созлаш билан шуғулланувчи фирмани сотиб олди. Шунингдек, компания иккита ёнма-ён жойлашган камераларни татбиқ қилишга патент олиш учун ариза топширди.