Москвалик бувисининг шеъридан рекламада фойдалангани учун McDonald's`дан 5 миллион рубль талаб қилди

Москва шаҳар Твер суди 2 март куни бувиси Аделина Адалис (1900-1969)нинг шеъридан ўз рекламасида фойдалангани учун McDonald's`дан 5 миллион рубль талаб қилган москваликнинг шикоятини кўриб чиқади. Бу ҳақда “Интерфакс” хабар бермоқда.

Хабарда келтирилишича, Россия пойтахти Москва шаҳрида яшовчи Сергеев ўзини Адалис ижодининг меросхўри деб ҳисоблайди. Даъвогарнинг айтишича, McDonald's ўз рекламасида бувисининг шеъридан фойдаланиш учун рухсат олмаган.

ОАВ хабарида келтирилишича, гап “Сўнгги поэма” қўшиғининг бир парчаси ҳақида кетмоқда. Унда: “Бу туш эмас, бу туш эмас/Бу фақат менинг ҳақиқатим/Бу ҳақиқат” сўзлари ифодаланган. Ушбу жумлалардан McDonald’s`нинг “Тухум ва бўтқа” реклама клипида фойдаланилган.