“Юлдузлар жанглари” фильмининг 9-қисми режиссёри фильмни кинотасмага олмоқчи

“Юлдузлар жанглари” фильмининг 9-қисми режиссёри Колин Треворроу фильмни рақамли камера ўрнига кинотасмага олмоқчи эканлигини маълум қилди, деб хабар бермоқда The Variety нашри.

Унинг таъкидлашича, у ўмишдаги воқеалар сўзланган фильмларни кинотасмага олинган ҳолдагисини кўришни маъқул кўради. “Менинг миямда нимадир уларда ўша пайтда видеокамералар бўлмаган-ку, деяпти”, деб айтмоқда режиссёр.

Треворроу “Юлдузлар жанглари” фильми ҳам ўтмиш воқеалари ҳақидаги фильм эканлигини, чунки ундаги барча воқеалар “анча аввал содир бўлганини” айтиб ҳазиллашган.

Треворроунинг “Юра даври дунёси” фильми 2015 йилнинг июнида 208,8 млн доллар йиққан ва кассабоплик бўйича фақатгина “Юлдузлар жанглари”нинг 7-қисмидан ортда қолган.

Аввалроқ Walt Disney киностудияси фильмнинг 8-қисмининг экранларга чиқиш санасини 7 ойга ортга сургани маълум қилинганди, энди фильм 2017 йилнинг декабрига чиқарилиши белгиланди.