Қўшимча функционаллар

  • Тунги кўриниш

  • Тошкент ш.
  • Қорақалпоғистон
  • Андижон
  • Фарғона
  • Наманган
  • Самарқанд
  • Бухоро
  • Хоразм
  • Сурхондарё
  • Қашқадарё
  • Жиззах
  • Сирдарё
  • Тошкент вил.
  • Навоий
    • Жаҳон | 21:23 / 29.01.2016
    3041
    2 дақиқада ўқилади

    EgyptAir’да компания технигининг А321 самолётидаги терактга алоқаси борлиги ҳақидаги маълумот инкор этилди

    Мисрнинг EgyptAir авиакомпанияси 29 январда компания техник ходимининг 2015 йилнинг 31 октябрида Синай яриморолида фалокатга учраган, Россиянинг А321 самолётидаги терактга алоқадор бўлиши мумкинлиги ҳақидаги маълумотни инкор этди. Бу ҳақда авиакомпаниянинг хавфсизлик хизмати вакилларига иқтибос келтирган ҳолда Мисрнинг Bawabah News нашри маълум қилди.

    Аввалроқ Reuters ахборот агентлиги компания механиги самолёт бортига бомба олиб ўтганликда гумон қилинаётгани ҳақида хабар берганди.

    Фалокат терговига яқин манба маълумотларига кўра, гумонланувчининг амакиваччаси 1,5 йил аввал Сурияда ИШИД сафига қўшилган. Бу террорчига самолётга портловчи қурилма олиб ўтишга ёрдам бериши мумкин бўлган Шарм-эш-Шайх аэропортидаги техник, икки нафар полициячи ва юк ташувчи ҳисбга олингани таъкидланганди.

    “EgyptAir’нинг бу ҳодисага ҳеч қандай алоқаси йўқ. Компания хорижий самолётларга техник хизмат кўрсатиш бўйича хизматларнинг тақдим қилиниши учун жавоб бермайди”, деб айтилди хавфсизлик хизматида.

    Компания хавфсизлик хизмати вакилининг айтишича, компаниянинг бирорта ҳам ходими ҳибсга олинмаган ва гумон қилинмаяпти. Миср ички ишлар вазирлигида ҳам фалокат билан боғлиқ ҳеч қандай ҳибсга олишлар бўлмагани тасдиқланди.