Nissan автомобиллари енгилроқ бўлади

Nissan компанияси 2016 йилда ўзининг енгил автомобиллари вазнини анча камайтирмоқчи. Бу ҳақда компания матбуот хизмати маълум қилди.

Японияликлар бир қатор британ компаниялари билан бирга “келажак автомобилларининг таги” ясаладиган янги материал ишлаб чиқишмоқчи. Ҳамкорлар автоспорт ҳамда аэрокосмик саноатда ишлатиладиган ресурс ва технологияларни қўллашмоқчи. “Lightweighting Excellence” дастури доирасида автосаноатда инқилобий янги ишлаб чиқариш жараёни яратилади.

Янги енгилроқ материалнинг ишлатилиши автомобилларнинг динамик кўрсаткичларини яхшилаш ва машиналарда кўп сонда ёрдамчи қурилмаларни татбиқ қилиш имконини беради.

2020 йилгача Renault-Nissan альянси автоном бошқарувга эга 10 дан кўпроқ моделни серияли тарзда ишлаб чиқишни режалаштирмоқда. Ҳамкорларнинг таъкидлашича, бу “ҳамёнбоп нархлардаги моделлар” бўлади, улар АҚШ, Европа, Хитой ва Японияда сотувга чиқрилади.