Владимир Кличконинг мураббийи боксчида қариш аломатларини кўрмаётганини айтди

Украиналик супербоксчи, собиқ жаҳон чемпиони Владимир Кличконинг бош мураббийи Жонатон Бэнкс ўз шогирдининг британиялик боксчи Тайсон Фьюрига мағлуб бўлишининг сабабини айтди. Боксчилар ўртасидаги учрашув 2015 йилнинг ноябрида бўлиб ўтган ва британиялик боксчининг очколар бўйича ғалабаси билан якунланганди. Оқибатда Кличко барча чемпионлик камарларидан маҳрум бўлганди.

“Кличко Фьюрига қарши жангга яхши тайёрланганди. Агар бундай бўлмаганда, мен буни сезган бўлардим. Кўпчилик у жанг вақтида бир кечада қариб кетганини айтишди, бироқ ёш – бу жараён. Сен туғилганингда, сенга дарров 10 ёш бўлиб қолмайди-ку. Агар жангчи рингда қаридек кўринса, машғулот лагерида бунинг аломатлари бўларди, бироқ бу бўлмади. Ҳеч ким буни инобатга олмаяпти. Владимир қари эмас, ўша кеча шунчалик у учун ёмон келди”, деб айтди Бэнкс.