“Эвертон” Москва жамоасининг футболчиси учун 19 млн доллар таклиф қилди

Ливерпулнинг “Эвертон” жамоаси Москва “Локомотив”и таркибида тўп сураётган сенегаллик футболчи Умар Ниасс учун 19.2 млн доллар пул таклиф қилди. Бу ҳақда The Guardian нашри хабар бермоқда.

Маълум қилинишича, “Локомотив” таклифни қабул қилган, футболчи эса шахсий шартнома шартларини келишиб олиш учун Англияга учиб кетган.

25 ёшли футболчига, шунингдек, “Челси”, “Манчестер Юнайтед”, “Тоттенхэм”, “Ньюкасл” ва “Астон Вилла” жамоалари рақобат олиб боришди.