Қўшимча функционаллар

  • Тунги кўриниш

  • Тошкент ш.
  • Қорақалпоғистон
  • Андижон
  • Фарғона
  • Наманган
  • Самарқанд
  • Бухоро
  • Хоразм
  • Сурхондарё
  • Қашқадарё
  • Жиззах
  • Сирдарё
  • Тошкент вил.
  • Навоий
    • Жаҳон | 21:33 / 31.01.2016
    3665
    1 дақиқада ўқилади

    ОАВ: Мисрда содир бўлган иккита йирик йўл-транспорт ҳодисасида 20 киши ҳалок бўлди

    Миср пойтахти Коҳирадан жанубда жойлашган Бени-Суайф вилоятида қуюқ туман ва кўриниш даражаси пастлиги сабабли шаҳарлараро трассада 20 дан кўпроқ автомобиль тўқнашиб кетди. "Ал-Аҳром" газетасининг хабар беришича, йўл-транспорт ҳодисасида 13 киши ҳалок бўлган, 10 дан кўпроқ одам жароҳат олган.

    Трасса бўйлаб ҳаракатланиш тўлиқ ёпилган. Айни пайтда воқеа жойида шифокорлар ва қутқарувчилар иш олиб бормоқда. Улар пачоқланган автомобиллардан одамларни чиқариб олишга ва уларга биринчи тиббий ёрдам кўрсатишга уринмоқдалар. Маълум қилинишича, автоҳалокат оқибатида 5 автомобиль ёниб кетган.

    Шу куни аввалроқ Гиза вилоятида тартибга солинмайдиган темир йўл переездида катта тезликда келаётган поезд одамлар олиб кетаётган пикапни уриб юборган. Туман сабабли автомобиль ҳайдовчиси переезддан ўтиш вақтида яқинлашиб келаётган поездни кўрмай қолган. Оқибатда 7 киши ҳалок бўлган.