Москвада тикувчилик цехида чиққан ёнғинда 2 нафар ўзбекистонлик ва 8 нафар қирғизистонлик ҳалок бўлгани маълум бўлди

30 январда Москванинг Стромынка кўчасида жойлашган тикувчилик цехида чиққан ёнғинда 8 нафар қирғизистонлик ҳалок бўлган, деб хабар берилмоқда Қирғизистоннинг Россиядаги элчихонаси сайтида.

"Дастлабки маълумотларга кўра, 12 киши ҳалок бўлган, 8 нафар қирғизистонлик, жумладан 1 нафар балоғатга етмаган бола, уларнинг барчаси Боткен вилоятидан бўлган, 2 нафар россиялик (қирғиз миллатига мансуб), 2 нафар ўзбекистонлик ҳалок бўлган. Расмий маълумотлар тегишли экспертизалар ўтказилгандан кейин маълум қилинади", дейилмоқда хабарда.

Тикув цехидаги ёнғин қасддан мол-мулкни йўқ қилиш деб баҳолангани маълум қилинганди.

Шу сабабли Қирғизистон элчихонаси ушбу ҳолат юзасидан қўзғатилган жиноий иш бўйича олиб бориладиган терговни алоҳида назоратга олди.