15 мингга яқин хусусий тадбиркор солиқ текширувларидан озод қилинди

Ўзбекистонда 14,716 минг хусусий тадбиркор 2016 йилдаги солиқ текширувларидан озод қилинди, дея хабар бермоқда Sputnik агентлиги Давлат солиқ қўмитаси матбуот хизматига таянган ҳолда.

“Мазкур тадбиркорлар 2016 йилги текширувлар режа-жадвалидан чиқарилганлар рўйхатига киритилди. Улар солиқ ва бошқа мажбурий тўловларни ўз вақтида тўлагани, шунингдек, барқарор тараққиёт суръати ва ишлаб чиқаришдаги рентабеллиги сабабли текширувлардан озод қилинди”, - дейилади хабарда.

Йиллик режа-жадвали Назорат қилувчи органлар фаолиятини мувофиқлаштирувчи Республика Кенгаши томонидан тасдиқланади. Йил давомида кенгаш қарорига мувофиқ, текширувлар режа-жадвалига турли ўзгартишлар киритилиши мумкин.