Венесуэлада аргентиналик футболчилар кетаётган автобус тўнтарилиб кетди

Венесуэлада Аргентинанинг "Уракан" жамоаси футболчилари кетаётган автобус тўнтарилиб кетди. 10 февралда "Кларин" газетасининг маълум қилишича, жамоанинг икки спортчиси ва мураббийи шифохонага жароҳатлар билан етказилган.

Жамоа шифокорининг таъкидлашича, уларнинг ҳаёти хавф остида эмас. Дастлабки маълумотларга кўра, автоҳалокатга носоз тормоз сабаб бўлган бўлиши мумкин. Йўл-транспорт ҳодисаси туфайли спортчиларнинг ватанларига қайтишлари маълум муддатга қолдирилди.

"Уракан" Венесуэланинг "Каракас" жамоаси билан учрашувдан кейин Аргентинага қайтаётган бўлган. Учрашув венесуэлаликлар фойдасига 2:1 ҳисоби билан якунланган.