Мисрда футбол клуби президентини ўлдирмоқчи бўлишди

Миср суди "Замалек" жамоасининг 15 нафар мухлисига жамоа президенти ҳаётига суиқасд уюштиришгани учун қамоқ жазоларини тайинлади.

AFP нашри хабарига кўра жамоанинг "Оқ рицарлар" номли ультра фан-клуби вакиллари президент Муртад Мансурни ўлдирмоқчи бўлишган.

Бундан олдин ҳам жамоа билан шунга ўхшаш ҳолат содир бўлган, 2014 йилнинг августида "Замалек"нинг 4 нафар мухлиси бош қароргоҳга уюштирилган ҳужум учун айбланиб қамоққа ташланганди.