Хакасияда бемор операциядан кейин пиво олиб келиш учун реанимациядан қочиб кетди

13 февраль куни Россиянинг Хакасия республикасида, жарроҳлик амалиётидан эндигина чиққан бемор пиво олиб келиш учун реанимациядан қочиб кетди.

Унинг ҳаракати шу кунларда ижтимоий тармоқларда қизғин муҳокама қилинган мавзулардан бири бўлди.

Гувоҳларнинг билдиришича, 13 февраль куни шаҳар шифохонаси рўпарасида жойлашган «Старик Хоттабич» савдо дўконига чойшабга ўралган шахс кириб келган. Унинг баданида лейкопластир ва дренаж найчалари ёпиштирилган ҳолда турган.

Дўкон ходимлари унга хизмат кўрсатишни исташмаган ва полицияни чақиришган.

Расмлардан маълум бўлишича, кўп вақт ўтмасидан уни шифохонага қайтаришган.

Қайд этилишича, бу кунда Саянгорскда ҳаво ҳарорати -16 даражагача тушганди.