Рамзан Қодировнинг қизи Россиядаги танловда финалга чиқди

22 февраль куни Хадижат Қодирова Чеченистоннинг шаҳар ва туманларидаги қобилятли болалар ўртасида бўлиб ўтган Грозний шаҳридаги “2016 йилнинг энг яхши ўқувчиси” республика танловининг ғолиби бўлди. 

“Грозний-информ” нашрининг хабарига кўра, ютуқли ўринлар учун ўн нафар финалчи куч синашган. Натижада, ҳакамлар биринчи ўрин билан Хадижатни тақдирлашган.

Танловнинг финал босқичи 28 мартдан 1 апрелгача Ульяновск шаҳрида бўлиб ўтади.

Рамзан Қодировнинг ўзи Хадижатни Чеченистон Республикаси биринчи президенти “Аҳмад-Хожи Қодиров невараси” деб атайди, “Грозний” телеканали 2015 йилда Хадижатни Рамзан Қодировнинг қизи деб таъкидлаган.