Мануэль Пеллегрини: «Чемпионлик пойгасида ортиқ хато қилишга ҳаққимиз йўқ»

Англиянинг «Манчестер Сити» клуби бош мураббийи Мануэль Пеллегрини Англия премьер-лигасининг «Ливерпуль»га қарши учрашуви олдидан чемпионлик пойгасидаги имкониятлари борасида гапириб ўтди.

«Ҳозирда «Лестер» билан орадаги фарқ шуни кўрсатиб турибдики, энди хато қилишга ҳаққимиз йўқ. Ҳозирча чемпион бўлиш учун имкониятимиз сақлаб қолинган экан – курашиш керак. Ишончим комил, чемпионат финишида жамоамиз ҳозиргига қараганда кучлироқ футбол кўрсатади.

Қачонки, тажриба бўлганда қийин вазиятлардан чиқиб кета олиш мумкин бўлади. Биз ўтган мавсумда ҳам худди шундай ҳолатда эдик ва ўзимизга ишонишда давом этганмиз. Тўрт йил олдин «Сити» Манчини бошчилигида «МЮ»дан саккиз очко орқада бора туриб охирида чемпион бўлганини яхши эслайман.

Шундай экан ҳамма нарса бўлиши мумкин», – дея Пеллегринидан иқтибос келтиради «Манчестер Сити» расмий сайти.

Эслатиб ўтамиз, 26 учрашувдан кейин «Сити» АПЛ жадвалида 4-ўринда бормоқда, жамоа «Лестер»дан иккита ўйин кам ўтказган ҳолда 10 очко ортда қолаяпти.

Клаудио Раньери: «Лестер» чемпионлик пойгасидаги иштирокини давом эттиради»