АҚШ Мосул шаҳрини террорчилардан озод қилиш операцияси бошланганини маълум қилди

ИШИДга қарши кураш бўйича АҚШ президенти махсус вакили Бретт Макгерк Ироқнинг Мосул шаҳрини террорчилардан озод қилиш операцияси бошланганини эълон қилди. Бу ҳақда Alsumaria хабар бермоқда.

РИА «Новости»нинг аниқлик киритишича, Макгерк операция бошланишидан олдин террорчиларни таъминлаб турувчи Ироқнинг Мосул шаҳри ва Суриянинг Ракка шаҳри оралиғидаги йўллар ёпилганини ҳам айтиб ўтган.

Бундан ташқари, АҚШ махсус вакилининг таъкидлашича, ҳарбий операция режаси жуда пухта ишланган.