Атлантадаги ётоқхонада чиққан ёнғинда 6 киши ҳалок бўлди

АҚШнинг Жоржия штатидаги Атланта шаҳридаги ётоқхоналардан бирида чиққан ёнғинда 6 киши ҳалок бўлди. Бу ҳақда маҳаллий The Atlanta Journal-Constitution нашри хабар берди.

Agence France-Presse ахборот агентлиги маълумотларига кўра, ётоқхонада яқинда турмадан озод қилинганлар ёки гиёҳвандлар учун реабилитация марказларини тарк этганлар яшаган.

Ўт ўчирувчилар воқеа жойига етиб келганларида, бино буткул аланга ичида қолган бўлган. Аланга сабабини ҳозирча аниқлашнинг иложи бўлмаган.

Ётоқхонада захира эшик бўлмагани одамларни эвакуация қилишни мураккаблаштирди. Қурбонлардан камида бири аёл эканлиги айтилмоқда.