Америкада туркиялик тадбиркор қўлга олинди

АҚШ ҳукумати Вашингтон томонидан Теҳронга нисбатан киритилган санкцияларни четлаб ўтган ҳолда Эрон ҳукуматига пул маблағларини ўтказиш бўйича ноқонуний схемаларни ташкиллаштиргани учун туркиялик тадбиркор Реза Заррабга айблов эълон қилди.

Нью-Йорк прокуратурасининг хабар беришича, 33 ёшли тадбиркор “юз миллионлаб долларлик” транзакцияларни амалга оширган.

У Флорида штати Майами шаҳрида 19 март куни қўлга олинган эди. 21 март куни эса Нью-Йоркнинг Манхэттен судида Заррабга расмий айблов ўқиб эшиттирилди. Ундан ташқари, судда ушбу схемада иштирок этган икки эронликнинг иши ҳам кўрилмоқда.