Қирғизистонда қаттиқ совуқ оқибатида мевали боғлар жабр кўрди

Қирғизистоннинг Баткен вилоятида қаттиқ совуқ натижасида 310 гектар мевали дарахтлар нобуд бўлди.

Шунингдек, тунги ҳаво ҳарорати 0...-2 градусгача тушиб кетадиган Ўш, Жалол-Обод, Чуй ва Талас вилоятларида ҳам мевали дарахтларни совуқ уриб кетиш хавфи бор.

Бундай кескин совуқлар куртак ёзган дарахтлар, буталар учун хатарли, деб хабар беради Қирғизистон Фавқулодда вазиятлар вазирлиги.