Google YouTube’га уланиш хизматини тақдим этади

Google компанияси ўзининг YouTube Connect стримингли (жонли оқимдаги) хизматини яратади. Бу ҳақида VentureBeat нашри хабар қилди.

Манбанинг қайд этишича, сервис Periscope’га жуда ҳам ўхшайди. YouTube/Google-аккаунтлари орқали авторизация қилиш мумкин. Шундан сўнг дарҳол смартфонларда тўғридан-тўғри узатилувчи лавҳаларни томоша қилиш имкони пайдо бўлади. Лавҳалар тугагач, каналда сақланиб қолади ва уларни исталган вақтда қайта томоша қилиш имкони мавжуд бўлади.

YouTube Connect хизматида YouTube`га аъзо бўлган фойдаланувчиларнинг сўнгги трансляцияси кўриниб турган лента жойлашган бўлади. Мвзкур хизмат iOS ва Android учун мавжуд. Бироқ унинг ишга қачон туширилиши ҳозирча номаълум. YouTube Connect ҳақидаги батафсил маълумотлар Сан-Францискода май ойида ўтказиладиган дастурчилар анжуманида тақдим этилиши кутилмоқда.