"Ал-Қоида"нинг филиали Сурияда "Жибҳад ан-Нусра" етакчиси йўқ қилинганини тасдиқлади

"Ал-Қоида"нинг Шимолий Африкадаги филиали "Ислом Мағриби давлатларида Аль-Қоида" гуруҳи Сурияда "Жибҳад ан-Нусра" етакчиси Абу Фирас ал-Сурий йўқ қилинганини тасдиқлади. Бу ҳақда Reuters ахборот агентлиги хабар берди.

Агентликнинг маълум қилишича, террорчилик гуруҳи ўз баёнотида ал-Сурийнинг АҚШ авиацияси зарбаси оқибатида йўқ қилинганини маълум қилган.

Аввалроқ Пентагон террорчи Сурия шимолида "Ал-Қоида" аъзолари учрашуви вақтида йўқ қилинганини маълум қилганди.

Сурия армиясининг собиқ ҳарбийси Абу Фирас Афғонистонда террорчилик фаолиятини олиб борган ва "Ал-Қоида" етакчиси Усама бин Лодиннинг сафдоши бўлган. Сурияда фуқаролик уруши бошлангандан кейин "Ал-Қоида" раҳбарияти уни Сурияга юборган ва у бу ерда "Ал-Қоида"нинг бўлими ҳисобланган "Жибҳат ан-Нусра" раҳбариятига кирган.