Спорт | 18:31 / 06.04.2016
1985
1 дақиқада ўқилади

Суарес ЕЧЛдаги 15та голини Месси, Роналду, Раул ва Ибраҳимовичдан кўра қисқа вақт ичида урди

«Барселона» ҳужумчиси Луис Суарес Чемпионлар лигаси чорак финалида «Атлетико»га қарши кечган баҳсда иккита гол урди ва жамоасининг 2:1 ҳисобидаги ғалабасини таъминлади.

Шу тариқа, уругвайлик ҳужумчи ЕЧЛда урган голлари сони 15тага етказди. Бунинг учун у 23та учрашувда майдонга тушган.

Ундан олдин бу борадаги энг яхши кўрсаткични Месси забт этган ва у 15та гол уриши учун ЕЧЛнинг 29 учрашувида майдонга тушиши лозим бўлганди.

Раул бу натижа учун 33, Криштиану Роналду 51 ва Златан Ибраҳимович 28та учрашувда ўтказганди.