Америкалик аёл фарзандларининг iPhone’ини қуролдан ўққа тутди

АҚШда бир аёл ўғиллари ва қизига тегишли бўлган бир нечта iPhone’ни намойишкорона тарзда қуролдан ўққа тутди. Аёлнинг фикрича, смартфонлар болалар тарбиясига салбий таъсир кўрсатади. Бу ҳақда Daily Mail нашри хабар бермоқда.

"Мен бу ҳаракатим билан ижтимоий медиаларнинг фарзандларимга таъсирини бекор қиламан", деб айтди аёл камерага қурол кўтариб, тўнка устида турган смартфонларга ўқ узишдан аввал.

Шундан кейин аёл смартфонларга ўқ узади. Роликда, шунингдек, онасининг ҳаракатидан норози бўлаётган қиз ва икки ўғил болани кўриш мумкин.