«Ўзбекэнерго» АЖ 2016 йилнинг биринчи чорагида 6 тонна гўшт ва 195,9 тонна сут етиштирди

«Ўзбекэнерго» акциядорлик жамияти 2016 йил биринчи чорак якунлари бўйича ҳисобот берди.

Ўзбекистон Республикаси Президентининг «Соғлом она ва соғлом бола йили» Давлат дастури ҳақида»ги 2016 йил 09 февралдаги № ПП-2487 сонли қарорини амалга ошириш мақсадида «Ўзбекэнерго» АЖда 35,9 миллиард сўмлик ҳажмдаги харажатлар прогнози билан саноат дастури ишлаб чиқилган, чора-тадбирларни амалга оширишни таъминлаш бўйича комиссия ташкил этилди. «Соғлом она ва соғлом бола» йили дастури бўйича чора-тадбирларни амалга ошириш харажатлари 2016 йилнинг 1-чорагида 4,5 миллиард сўмни ташкил этди.

Дастур доирасида қишлоқ хўжалик маҳсулотларини ишлаб чиқариш ҳажмининг оширилиши бўйича ишлар давом эттирилди.

2016 йил 1 апрель ҳолатига кўра корхоналарда сақланаётган чорвачилик моллари умумий сони 2 333 бошни ташкил этади, улардан 1 530 бош йирик қорамол ва 803 бош майда қорамол.

2016 йилнинг 1-чорагида 6 тонна гўшт, 195,9 тонна сут, 90,4 тонна сут маҳсулотлари, 3,4 тонна сабзавот маҳсулотлари ва 0,2 тонна балиқ маҳсулотлари ишлаб чиқарилган.