Австралиялик ҳарбийлар яна уч йил муддатга Афғонистонда қоладиган бўлди

Австарлиялик ҳарбийлар яна уч йил муддатга Афғонистонда қоладиган бўлди. Бу ҳақда Австралия қуролли кучларининг Яқин Шарқ ва Афғонистондаги контингенти қўмондани, ҳаво кучлари вице-маршали Тим Иннс маълум қилган.

"Айни дамда биз уч йилни Афғонистонда ўтказамиз. Бу вақт тугагач, бу масалани яна ўйлаб кўрамиз", — деди у.

Вице-маршалнинг таъкидлашича, Афғонистонда ҳарбий бўлинмалари мавжуд Ғарб давлатлари эътиборларини мамлакатда жойлашган ИШИД террорчилик ташкилотига қаратишгани маъқул.

"У жуда айёр, фаол ва шароитга мосланувчан душман", — деб ўтди Иннс.