“Ўзбекнаво” эстрада бирлашмаси Азиза Ниёзметованинг лицензияси муддати тугаганлигини маълум қилди

Ўзбекистон Республикаси “Ўзбекнаво” эстрада бирлашмасининг маълум қилишича, хонанда Азиза Ниёзметовага берилган концерт-томоша тадбирларини ўтказиш, шу жумладан, тўй, юбилейлар ва бошқа тантаналарда концерт хизмати кўрсатиш ҳуқуқи берилган лицензиянинг амал қилиш муддати 2015 йил 28 августда тугаганлигини маълум қилди.

2016 йил 7 апрель куни хонанда Азиза Ниёзметова “Ўзбекнаво” эстрада бирлашмасига чақиртирилиб, ушбу ҳолат юзасидан огоҳлантирилиб, тушунтириш хати олинган. Хонандага одоб-ахлоқ қоидаларига риоя қилиши, саҳна маданияти ва ташқи кўриниши маданиятига зид бўлган ҳаракатлар содир қилмаслик, томошабинларнинг ҳис-туйғуларини ҳақорат қилмаслик, миллий менталитетга, миллий қадриятлар ва урф одатларимизни мунтазам ҳурмат қилиш, шахсий муаммоларни ўзоро келишган ҳолда амалдаги қонун ҳужжатларида ўрнатилган тартибда ҳал этиш сўралган.