Қўшимча функционаллар

  • Тунги кўриниш

  • Тошкент ш.
  • Қорақалпоғистон
  • Андижон
  • Фарғона
  • Наманган
  • Самарқанд
  • Бухоро
  • Хоразм
  • Сурхондарё
  • Қашқадарё
  • Жиззах
  • Сирдарё
  • Тошкент вил.
  • Навоий
    • Жамият | 16:42 / 25.04.2016
    2201
    2 дақиқада ўқилади

    Қўшиқчи Принснинг альбомлари савдоси ўлимидан сўнг 42 фоизга ўсди

    Америкалик қўшиқчи Принс ўлимидан ўтиб уч кун давомида унинг 579 минг альбоми сотилди. Бу ҳақда Nielsen Music мусиқий компания маълумотларига асосланиб USA Today хабар берди.

    Ижрочи вафотидан аввал уч кунда мухлислар атиги 1,4 минг пластинка сотиб олган. Шундай қилиб, савдо 42 фоизга ортган.

    Динамиканинг энг юқори кўрсаткичлари 21 апрель куни, хонанданинг ўлими маълум бўлган кун эртасига қайд этилган. Кўпчилик унинг сараланган қўшиқлари альбомини кўчириб олган. Бу борада иккинчи ўринда Purple Rain диски (1984) бўлиб, у шу номдаги фильм билан бирга тайёрланганди.

    Экспертларнинг тахминига кўра, The Very Best тўплами Billboard 200 тўпламининг аввалидан жой олади.

    21 апрель куни оламдан ўтган америкалик хонанда Принснинг жасади 24 апрель куни Миннесота штатида кремация қилинди. Кремация жараёни қўшиқчининг яқинлари, дўстлари ва созандаларидан иборат кичик гуруҳ иштирокида бўлиб ўтди. Қолдиқлар кўмиладиган манзил сир сақланмоқда.

    2005 йилда Принснинг номи рок-н-ролл шон-шараф залига киритилганди.

    Унинг энг машҳур диски Purple Rain мунтазам равишда рок-н-рол даврининг энг яхши альбомлари рўйхатларига киритилади. Хонанда «Грэмми», «Оскар», «Олтин глобус» мукофотлари совриндори ҳисобланади.