Чех АПЛ мавсумида энг кўп "қуруқ" ўйин ўтказиб, тўртинчи марта «Олтин қўлқоп» олди

«Арсенал» жамоаси дарвозабони Петр Чех Англия чемпионатининг жорий мавсумида 16та "қуруқ" ўйин ўтказиб, АПЛда энг кам гол ўтказган дарвозабонларга бериладиган «Олтин қўлқоп» совринига эга бўлди. 

Ушбу мукофотга, шунингдек, «Манчестер Юнайтед» дарвозабони Давид Де Хеа ҳам даъвогарлик қилганди. Бироқ,  «Борнмут»га қарши (3:1) учрашувнинг сўнгги дақиқасида Крис Смоллинг автогол муаллифи бўлди ва испаниялик посбоннинг "қуруқ" серияли ўйинлари сони 15 талигича қолиб кетди. 

Қайд этиш керакки, Чех тўртинчи бор «Олтин қўлқоп» мукофотига лойиқ бўлди. «Манчестер Сити» дарвозабони Жо Ҳартда ҳам шудди шунча «Олтин қўлқоп» мавжуд. 

Бундан ташқари, Чех бундай мукофотни икки жамоада («Челси», «Арсенал») қўлга киритган ягона дарвозабон ҳисобланади.