Қўшимча функционаллар

  • Тунги кўриниш

  • Тошкент ш.
  • Қорақалпоғистон
  • Андижон
  • Фарғона
  • Наманган
  • Самарқанд
  • Бухоро
  • Хоразм
  • Сурхондарё
  • Қашқадарё
  • Жиззах
  • Сирдарё
  • Тошкент вил.
  • Навоий
    • Жаҳон | 17:14 / 19.05.2016
    3635
    1 дақиқада ўқилади

    Ўрта Ер денгизида муҳожирлар ҳаракатини кузатувчи Falcon самолёти А320 самолётини қидиришга жалб этилди

    Франция Ҳарбий ҳаво кучларининг Ўрта Ер денгизи ҳудудида Яқин Шарқ ва Африка шимолидан муҳожирларнинг кемалари ҳаракатини кузатиш билан шуғулланадиган Falcon самолёти Мисрнинг А320 самолётини қидириш ишларига сафарбар этилди. Бу ҳақда "Интерфакс" агентлиги хабар тарқатган.

    Франция армияси вакили Жиль Жароннинг маълум қилишича, воқеа рўй бергани тахмин қилинган ҳудудга французларнинг яна бир самолёти ва кемаси юборилган.

    Бундан олдинроқ, Франция раҳбари Франсуа Оллан бортида 66 киши бўлган EgyptAir авиакомпанияси самолёти Париждан Қоҳирага учиш вақтида Ўрта Ер денгизи ҳудудида ҳалокатга учрагани тўғрисидаги маълумотни тасдиқлади.

    A320 лайнери бортида 56 нафар йўловчи ва 10 экипаж аъзоси бўлган. Йўловчилар орасида 30 нафари Миср, шунингдек, 15 — Франция, 2 — Ироқ, бир нафардан — Буюк Британия, Бельгия, Қувайт, Саудия Арабистони, Судан, Чад, Португалия, Жазоир ва Канада фуқаролари бўлган.