Тошкентда Европа киноси фестивали бошланди

23 май куни Тошкент шаҳридаги Алишер Навоий номидаги киносаройида IV Европа киноси фестивалининг тантанали очилиш маросими бўлиб ўтди.

Унда “Ўзбеккино” Миллий агентлиги бош директори Отабек Мусаев, Европа Иттифоқининг Ўзбекистондаги делегацияси раиси Юрий Штерк иштирок этди.

Мазкур фестивалда Европа Иттифоқига аъзо мамлакатлар, жумладан, Австрия, Болгария, Буюк Британия, Германия, Греция, Латвия, Португалия, Словакия, Словения, Франция, Финляндия, Шевецария ва Чехия давлатлари киноижодкорлари томонидан яратилган жами 17та фильмнинг намойиш этилиши кўзда тутилган.

Барча намойишлар 29 майга қадар Алишер Навоий номидаги киносаройда бўлиб ўтади, кириш бепул.

Фестиваль дастури қуйидагича:

23 май

19:00 – «Макбет» (Буюк Британия)

24 май

17:00 – «Мушукларнинг боши айланмайди» (Португалия)

19:00 – «Оданинг кундалиги» (Германия)

25 май

17:00 – «Қучоқлашиш мактаби» (Словения)

19:00 – «Синиқ шиша устидаги рақслар» (Словакия)

26 май

15:00 – «Оқ тун рангидаги Лимузин» (Латвия)

17:00 – «Эль Греко» (Греция)

19:00 – «Опа» (Швецария)

27 май

15:00 – «Мангулик ва бир кун» (Греция)

17:30 – «Элла Майяр — икки карра саёҳат» (Швецария)

19:00 – «Гиппократ» (Франция)

28 май

15:00 – «Белл ва Себастян» (Франция)

17:00 – «Сервус Ишк» (Австрия)

19:00 – «Масхарабозлар» (Чехия)

29 май

15:00 – «Нико ва юлдузларга йўл» (Финляндия)

17:00 – Кармонимдаги тошлар (Латвия)

19:00 – «Зи хоним» (18+) (Болгария).