Америкалик геймер Uncharted 4 ўйинини реал ҳаётда ўйнаб кўрди

Америкалик видеоблогерлар жамоаси Uncharted 4: A Thief's End ўйинини реал ҳаётда қандай кўринишини намойиш этувчи ролик суратга олишди. Видеода ўйин қаҳрамони каби кийинган киши бир пана жойдан иккинчисига ҳаракатланиб, душманларига қарата ўқ отади ва ўзи ҳам ҳужумлардан қочади. «Летсплей» кучли портлашлар ва ҳавода учаётган ўқ изларини намойиш этувчи ёрқин график таъсирларга эга.  

Uncharted 4: A Thief's End — Naughty Dog студияси томонидан ишлаб чиқарилган Sony PlayStation 4 учун мўлжалланган саргузашт-экшн видеоўйинидир. Ўйин намойиш қилинган санадан бошлаб бир ҳафтани ичида бутун дунё бўйлаб 2,7 миллион нусхада сотилган. Uncharted 4 ўйинига оддий фойдаланувчилар билан бирга ўйин ишқибозлари ҳам юқори баҳо беришган. Шунингдек, кўпчилик экшннинг таасуротларга бой эканини қайд этган.