Назарбоев: “2017 йилга келиб Қозоғистонда 54 та мамлакатга нисбатан визасиз тизим жорий этилади”

Қозоғистон Республикаси президенти Нурсултон Назарбоевнинг маълум қилишича, 2017 йилга келиб мамлакатда 54 та давлатга нисбатан визасиз тизим амалда бўлади. Бу ҳақда “Новости-Казахстана” АА хабар бермоқда.

“2015 йилда Қозоғистонда 35 та давлатга визасиз тизимда чиқиш имкони бўлса, бу кўрсаткич 2017 йилга келиб 54 та давлатга чиқади”, - деди Назарбоев хорижий инвесторлар билан бўлиб ўтган мажлисда.

Давлат раҳбарининг маълум қилишича, мамлакатга хорижлик инвесторларнинг жалб этиш дастурлари кенгайтирилмоқда ва ҳаётга татбиқ этиляпти.