Самарқанд шаҳридаги жамоат транспортларида йўл ҳақи қимматлашади

20 июндан бошлаб Самарқанд шаҳрида автобус йўловчи транспорти хизматларининг чекланган тарифи бир марта юриш учун 900 (тўққиз юз) сўм этиб белгиланган. Самарқанд вилояти ҳокимининг 1 июнда чиқарилган ушбу қарори лойиҳаси ҳокимлик расмий сайтида эълон қилинган.

Шаҳар ва шаҳар атрофида қатнайдиган йўловчи ташиш транспорти хизматларининг тарифларининг оширилишига ёқилғи-энергетика ресурсларининг нархи ўзгаргани сабаб сифатида келтирилган.

Айни пайтдаги йўл ҳақи миқдори 2014 йилнинг июнь ойи охирида белгиланган эди.