Австралияда масжид ёнида портлаш содир этилди

Австралиянинг Перт шаҳридаги масжид яқинида намоз вқтида портлаш содир этилди, деб хабар бермоқда Daily Mail Australia.

Портлаш вақтида масжидда бир неча юз киши бўлган. Улар масжиддан югуриб чиқиб, ёнаётган автомобиль ва масжид деворида мусулмонларга қарши гарффити тасвирланганини кўришган.

Одамлардан ҳеч ким жабрланмаган. Полиция тергов олиб бормоқда ва одамларга воқеа ҳақида исталган маълумот беришни илтимос қилган.