Хитойда атиги 70 долларлик  ўта мустаҳкам  Leagoo M5 смартфонлари ишлаб чиқарилди

Кўпчилик смартфон ишлаб чиқарувчи компаниялар ўз маҳсулотларининг сув ва зарбга юқори чидамлилигини намойиш этишни хуш кўришади, бироқ уларнинг орасида дисплейига болға билан урилганда бардош бера оладигани бормикан? Танишинг: Leagoo M5!

Хитойлик ишлаб чиқарувчининг таъкидлашича, Leagoo M5 бутун нанометалл ром базасига қурилган. Экран диагонали 5 дюймдан иборат бўлиб, 1280×720 пикселни ташкил қилади. Маълумотларни қайта ишлашга «Mediatek MT6580» (1.3 ГГц) тўрт ядроли процессори жавоб беради, графика билан ишлашни эса Mali-400 MP контроллери ўз зиммасига олади. 

Қурилманинг оператив хотираси 2 Гб, доимий хотираси - 16 Гб; аккумулятор эса 2300 мАч. Бундан ташқари 8 Мп'ли камера ва қурилманинг орқа томонида жойлашган бармоқ излари тушириладиган сканерга ҳам ускунадан жой топилган. 

Leagoo M5 қурилмасида LTE-тармоқда ишловчи иккита SIM-картани қўллаш мумкин. Мазкур қурилманинг энг жалб қиладиган томонларидан бири унинг ўта паст баҳосидир. Афсонавий «Nokia 3310»нинг авлоди (зарббардошлигига кўра) атиги 70 долларга тушади.