Фергюсон: «Ҳар бир авлоднинг алоҳида футболчиси бўлади. Ҳозирги авлодда бу Роналду»

«Манчестер Юнайтед» жамоасининг собиқ бош мураббийи Алекс Фергюсон «Реал» ҳужумчиси, Португалия терма жамоаси сафида Европа чемпионатида ғолиб бўлган Криштиану Роналду ҳақидаги фикрларини билдириб ўтди.

«Футбол – Роналдунинг эҳтирослари билан уйғунлашади. У ҳар бир машғулотни сабрсизлик билан кутади. У ҳамиша ҳаммадан зўрлигини исботлашга, ҳамиша ғалаба қозонишга интилади. У катта ўйинларни жонидан ортиқ кўради.

Мен ва Роналду «МЮ»далигимизда у ўзининг тинимсиз шуғулланиши орқали ривожланиб борди. У ҳамиша зарба бериш техникаси устида ишлар, ўнг оёқда, чап оёқда ва бошида зарбалар йўллар эди.

Бугунги атлетизм, тезкорлик биринчи ўринда бўлган замонавий футболда у ўзининг ўйинини нақадар ривожлантирганига қараб фақат ҳайратланиш мумкин.

Одатда футболчилар ўзининг энг яхши ўйинларини 5-6 йил давомида намойиш қилишади. Кейин эса тўхташади. Роналду эса 10 йил давомида барқарор даражада ўйнаб келмоқда.

Ҳар бир авлоднинг алоҳида футболчиси бўлади. Ҳозирги авлодда бу Роналду», – дея Фергюсоннинг сўзларини келтиради Goal.com нашри Bild нашрига асосланиб.

Манба: Tribuna.uz