Раньери Конте, Моуриньо ва Гвардиола ҳақидаги фикрларини билдирди

Ўтган мавсумда "Лестер" билан Англия чемпиони бўлган Клаудио Раньери "Челси", "Манчестер Юнайтед" ва "Манчестер Сити" жамоаларида янги бош мураббийлар тайинланганига муносабатини билдириб ўтди. У хусусан "қизил иблислар" жамоасига Жозе Моуриньо бош мураббий бўлгани борасида тўхталиб, у сэр Алекс Фергюсон каби катта муваффақият қозониши мумкинлигини башорат қилган.

"Конте ва "Челси" бир-бири учун яратилгандек. Муҳими унга янги жамоасини тузишда халақит бермасликлари керак. Агар барча унга қулоқ солса, биз итальянча ўйнайдиган "Челси"ни кўришимиз мумкин.

Моуриньо янги Фергюсонга айланиши мумкин. У "Манчестер Юнайтед"да 26 йил ишламаслиги аниқ, лекин у бу жамоада ўз изини қолдириши ҳам тайин. Бизнинг реваншимиз 7 августда бўладими? Чиройли ўйин бўлади. Бу спорт тарихи шундай гўзал воқеалардан иборат.

Гвардиола ҳақида нима дейишим мумкин? У энди ўз жойини топди. "Манчестер Сити" чиройли ўйин кўрсатади, бу жамоани аввал Манчини, кейин Пеллегрини бошқарган ва футболчиларни чиройли футбол ўйнашга ўргатган", - деди Раньери La Gazzetta dello Sport нашри учун берган интервьюсида.

Манба: Tribuna.uz