Қўшимча функционаллар

  • Тунги кўриниш

  • Тошкент ш.
  • Қорақалпоғистон
  • Андижон
  • Фарғона
  • Наманган
  • Самарқанд
  • Бухоро
  • Хоразм
  • Сурхондарё
  • Қашқадарё
  • Жиззах
  • Сирдарё
  • Тошкент вил.
  • Навоий
    • Жаҳон | 07:21 / 18.07.2016
    4219
    2 дақиқада ўқилади

    Трамп АҚШда "етакчиликнинг етишмаслигини" Батон-Руждаги отишмага сабаб деб айтди

    АҚШ президенти лавозимига номзод Дональд Трамп фейсбукда Луизиана штатидаги Батон-Руж шаҳрида полициячиларнинг ўққа тутилишига изоҳ берди.

    Трамп отишмада ҳалок бўлган полициялар учун халқ билан бирга қайғудалигини ёзган.

    "Мамлакатимизда етакчиликнинг етишмаслиги сабабли ҳуқуқ-тартибот муассасаларининг қанча ходими ва одамлар ўлиши керак? Биз қонуният ва тартибни талаб қиламиз", деб таъкидлаб ўтди миллиардер.  

    Аввалроқ полициячилар отишмани уюштиришда гумонланаётганларнинг бирининг жасади ёнига портловчи модда бор-йўқлигини билиш учун робот юборганлари маълум қилинганди. 

    17 июлда маҳаллий вақт билан соат 9.00да Батон-Руж полицияси Эйрлайн Хайуэй кўчасига "автомат билан юрган шубҳали кимса" ҳақидаги хабарга кўра етиб келган. Улар воқеа жойига келишганда номаълумлар уларга қарата ўқ уза бошлаган.

    Охирги маълумотларга кўра, отишма оқибатида 3 нафар полициячи ҳалок бўлган, яна 3 нафари турли даражадаги жароҳатлар билан шифохонага етказилган. Шаҳар полицияси жиноятчилардан бири ўлгани, бироқ яна икки нафари озодликда эканини маълум қилган.